Handbok i lokalhistorie gir rettleiing i korleis komme seg i gang med lokalhistorisk forsking og studium. Den viser korleis gjennomføre ei undersøking, med orientering i litteratur, publiserte kjelder og ulike kategoriar primærkjelder i arkiv, samlingar og museum. Det blir også gitt innføring i ulike metodar for å skape kjeldemateriale sjølv.

Hovuddelen av boka er inndelt i tematiske kapittel som tar for seg ulike nivå eller storleikar for lokalhistoriske undersøkingar, frå enkeltindividet og familien, hus og inventar, til grend, bygd, by og region, og til sist grensekryssande eller samanfletta lokalhistorie. Breie forskingsspørsmål relatert til tematikkar som har vore sentrale i lokalhistorisk forsking, blir presentert. For kvart forskingsspørsmål er det skissert aktuelle kjelder og metodar for å finne svar. Dette er tenkt som ein idébank for studentar og forskarar som skal i gang med lokale undersøkingar.

Denne handboka er skrive med tanke på studentar og forskarar, men vil også vere til hjelp for dei som definerer seg som lokalhistorikarar eller hobbyforskarar.

«Det är därför mycket välkommet att Aud Mikkelsen Tretvik, professor vid NTNU och välkänd för läsare av Heimen, nu har skrivit Handbok i lokalhistorie. Studium og forsking. Den kommer att väcka intresse även i Sverige, där en liknande bok saknas. [...] Handbok i lokalhistorie är en mycket uppslagsrik och välskriven bok. Jag tror att den kommer att bli till stor användning.»